एजेन्सी – क्रिस्टियानो रोनाल्डो र लिओनल मेस्सी आफ्नो पुस्ताका सर्वाधिक सफल खेलाडी हुन् । पछिल्ला डेढ दशक यता विश्व फुटबलमा सर्वाधिक चर्चामा यि दुई खेलाडी रहेका छन् ।

पोर्चुगलका कप्तान रोनाल्डो र अर्जेन्टिनाका कप्तान मेस्सीले व्यवसायिक खेल जीवनमा सबै उपाधि जितिसकेका छन् । देशका रोनाल्डोले युरोपियन च्याम्पियनसिप र मेस्सीले हालै मात्र कोपा अमेरिका जितेका थिए । मेस्सीले देशका लागि ओलम्पिकमा समेत स्वर्ण पदक जितेका थिए । सन् २००८ बेजिङ ओलम्पिकमा मेस्सी सम्मिलित टोली विजयी भएको थियो ।

तर रोनाल्डोले ओलम्पिक खेलेका छन् वा छैनन् भन्नेमा धेरैलाई स्मरण नहुन सक्छ । १९ वर्षको उमेरमा रोनाल्डोले पोर्चुगलबाट २००४ को एथेन्स ओलिम्पिक खेलेका थिए । तर उनको र टोलीका लागि प्रदर्शन भने स्मरणीय हुन सकेन ।

कस्तो थियो रोनाल्डोको प्रदर्शन ?

रोनाल्डो ओलम्पिक टोलीको हिस्सा रहेपनि एथेन्स ओलम्पिक पोर्चुगलको प्रदर्शन सन्तोषजनक रहेन । पोर्चुगल त्यो ओलम्पिकको समूह चरणबाटै बाहिरिएको थियो । इराक, कोस्टा रिका र मोरोक्को सम्मलित समूहको अन्तिममा रहदै पार्चुगलले ओलम्पिक यात्राको अन्त्य गरेको थियो । पोर्चुगललले ३ मध्ये एक मात्र खेलमा मोरोक्कोलाई २–१ ले हराएको थियो । उके खेलमा रोनाल्डोले प्रतियोगितामा एकमात्र व्यक्तिगत गोल गरेका थिए । पोर्चुगल कोस्टारिका र इराकसँग ४-२ ले पराजित भएको थियो  ।

ओलम्पिकमा मेस्सीको प्रदर्शन

बेजिङ ओलम्पिक खेल्दा मेस्सी २१ वर्षका थिए । अर्जेन्टिनाका लागि मेस्सीको त्यो पहिलो अन्तर्राष्ट्रिय प्रतियोगिता थियो । ओलम्पिक यू २३ टोलीले खेल्ने प्रतियोगिता हो । हुवा रोमन रिक्वेल्मीको कप्तानीमा अर्जेन्टिनाले ओलम्पिक खेलेको थियो ।

टोलीले ओलम्पिकमा कुनै पनि खेल नगुमाई च्याम्पियन बनेको थियो । त्यो क्रममा मेस्सीले २ गोल गरेका थिए । समूह चरणमा आइभरी कोष्टविरुद्ध गोल गरेका मेस्सीले दोस्रो गोल नेदरल्यान्ड्सविरुद्धको क्वार्टरफाइनलमा गरेका थिए ।



साभार

सम्बन्धित खवर