एजेन्सी – इंग्लिस प्रिमियर लिगमा आज राति म्यानचेस्टर युनाइटेडले घरेलु मैदानमा लिभरपुलको आतिथ्यता गर्दैछ । खेल नेपाली समयअनुसार राति १ बजे ओल्डट्राफोर्डमा हुनेछ ।

अघिल्लो साता नै हुनुपर्ने खेल म्यानचेस्टर युनाइटेडका समर्थकले आइतबार लिभरपुलविरुद्ध खेलअघि मैदानभित्र नै पसेर क्लबका मालिक ग्लेजर परिवारविरुद्ध नाराबाजी गरेपछि खेल स्थगित भएको थियो । यो खेलका लागि युनाइटेडले टप सेक्रेट अपरेसनको सुरुवात गरेको छ । सुरक्षा खतरा नहोस भनेर सबैलाई विशेष रुपमा चेतावनी पनि दिइएको छ ।

लिभरपुलसँगको खेलका लागि पनि सुरक्षा ब्यवस्था निकै कडा पारिने बताइएको छ । अघिल्लो पटकको जस्तो कुनैपनि घटना नदोहोरीनका लागि पुलिसले पनि खेलको अगाडी र पछाडी सुरक्षा ब्यवस्था कडा पार्ने बताइएको छ । युनाइटेडले अघिल्लो घटनापछि वल्ड ट्राफोर्डको पर्खाललाई १० फिट अग्लो बनाएर स्टिलको रेलिङ पनि लगाएको छ । यस्तै स्टेडिमको वरिपरी पुलिसको सक्रियतालाई पनि बढाएको छ ।

घरेलु मैदानमा हुने खेलमा अर्काे सिजनको च्याम्पियन्स लिगलाई छनोट भइसकेको युनाइटेड लिभरपुललाई हराउने लक्ष्यमा हुनेछ । टोलीसँग इडिन्सन काभानी, फ पोग्वा, ब्रुनो फर्नान्डेस, मार्कुस रासफोर्ड, फ्रेड, स्कट म्याकटोमिने, लुका सा, इरिक बेइली, भिक्टर लिन्डेलफ, आरोन वान विशाखा र गोलरक्षक डिन हेन्डरसन रहेका छन् ।

यता, लिभरपुल युनाइटेडलाई हराउँदै अर्काे सिजनको युरोपा लिगलाई छनोट हुने सम्भावना जीवित राख्न चहान्छ । युनाइटेडलाई हराउन सके लिभरपुल पाचौ स्थानमा उक्लनेछ । टोली ५७ अंक जोडेर छैटौ स्थानमा रहेको छ ।

टोलीसँग साडियो माने, मोहम्मद सलाह, रोबर्टाे फिर्मिनो, जजिन्हो वाइनाल्डम, फाविन्हो, थियागो अलकान्तरा, एन्ड्रिउ रोबर्टसन, फिलिप्स, टे«न्ट एलक्सान्डर अर्नाेल्ड र गोलरक्षक एलिसन बेकरसँगै डिएगो जोटा, रे विलियम्स पनि टोलीमा रहेका छन् ।

यि दुई टोलीको पछिल्लो २९ खेलको नतिजामा म्यानचेस्टर १३ खेलमा विजयी भएको छ । ८ खेल लिभरपुलले आफ्नो पक्षमा पार्दा ८ खेल बराबरीमा सकिएको छ । पछिल्लो पटक युनाइटेडले लिभरपुललाई एफए कपमा ३–२ ले पराजित गरेको थियो ।



साभार

सम्बन्धित खवर